信念の道 西へ／下地勇 歌詞

歌：下地勇

作詞：下地勇

作曲：下地勇

東かい 東んかいてぃどぅ 動き人々
うまから離りーぴす人や皆 東んかいばし
東かい 東んかいてぃうーば 我まいどー
彼まいぴりば 皆がぴりば 我まいてぃぬ人ばーき

あすがどぅ我や一人し 西んかい 西んかい
苦道てぃや誰ゆっさまいどぅ知しゅうてぃ 西んかい 西んかい

かぬ道ゆ かぬ道ゆてぃどぅ 動き人々
うまから旅んかいぴす人や皆 有りゅう道んかいばし

あすがどぅ我や一人し 無ん道ゆ 無ん道ゆ
無んやばがみどぅ創ふぃいかでぃ 新道ゆ 新道ゆ

何ぬがゆがかーな?
あんしどぅ 不思議かーな?
己が道ゆ 己し決みてぃ
歩き行き事ぬ

風ぬ止みば 歩き始みでぃ
のーばし うぬ道ぬ やな道あらばまい

舟からどー 舟からどーてぃどぅ 渡す人々
かぬ島がみ海む渡す人や皆舟ゆ深みまーりゅう

あすがどぅ我やー人し 泳ぎ行かでぃ 泳ぎ行かでぃ
溺りすがーらまい知さーんてぃ知しゅうてぃ 泳ぎ行かでぃ 行かでぃ

何ぬが悪かーな?
あんしどぅ ばかすきむぬな?
己が道ゆ 己し決みてぃ
泳ぎ行き事ぬ

波ぬ止みば 泳ぎ始みでぃ
のーばし うぬ海ぬ 命ゆ飲まばまい

風ぬ止みば 歩き始みでぃ
のーばし うぬ道ぬ やな道あらばまい

波ぬ止みば 泳ぎ始みでぃ
のーばし うぬ海ぬ 命ゆ飲まばまい

のーばし うぬ道ぬ やな道あらばまい