歌：下地勇
作詞：下地勇
作曲：下地勇
貴方のーてぃ我かい
ぴらでぃてぃまいにゃーだな
我ぬぅ一人置つぎー 先りーぴずがてぃ
冷りーぴすおじぃが 顔ゆ撫でぃ
おばぁが目から 涙ぬ落てぃーぴす
いつぬ時んまい 二人まーつき
今日がみ歩きー来てぃ のーてぃがー
家ぬうまかま 貴方が香ざ 未だ残りうー
のーてぃ 貴方すなーし 先りぴずがー
貴方が植びたーブーギまい
見守りうたー畑まい
つかないうたー馬まい山羊まい
貴方がみーだか のーばしすーでぃが
起きる 起きてぃ我が顔ゆ見い笑いふぃーる
おじぃがみーんふなりから
馬まい山羊まい売うぁれーぴりー
うぬ家んなおばぁが他んな
誰まいみーんふなりー
夜なすちか一人 夕飯ゆ喰うー事ぬ
あてぃ淋すかーば 毎日泣きうたー
汝が作ふ 魚ぬ塩煮ぬ 一番んまむぬてぃ
酒小飲んしゃーな 笑いうたーくとぅ
昨日ぬ事んだかり 思す出れーきし
｢いくらまい煮いふぃーでぃ
貴方が戻り来うでぃやてぃかー｣
アアアーア～
日数やまた過ぎぴりー
涼す南風ぬ吹きーきしば
おばぁや 曲がりーぴす腰ゆ持たぎ始み
子供達 孫達 我が見守りいかだかならんてぃ
今日まい 嬉すきなり笑いーうー
おばぁ ぷじ 今からまい 元気かりうーてぃ
いつがみまい いつがみまい
長生きゆしーふぃーさまち
歌詞検索J-Lyric.netでは、無料で歌詞の検索・閲覧サービスを提供しておりますが、著作権保護の為、歌詞の印刷、歌詞のコピー、歌詞の複写などを行うことはできません。
Copyright (c) 2006-2025 J-Lyric.net