丘の一本松／琉球民謡 歌詞

歌：琉球民謡

作詞：上原 直彦

作曲：普久原恒勇

(セリフ)(主)ぬーがひゃーくまー、うふとぅるばいし
(主)遊どーてぃ 物ぬ喰まりーねー
(主)んな遊ぶんどーひゃー ヲーイ
(良助)フン!やな主小や 人ぬ面見じゅしとー
(良助)まじゅーんしぐゴー口な!
(主)ぬーやん!
(良助)ぬーんあらん!

北谷桑江ぬ前ぬ 村はじし
渡久地小ぬ カンジャー屋よ
親子揃りとーてぃ 古金打ちゃい
馬ぬ爪くまちゃい 見事なむんさみ
アネ! 良助 評判どー
村中他島までぃ
音ぬ立っちょんどー

(セリフ)(主)やな童たーが くさ物言しーねーくさぶくるる
(主)タタチいぇーさりーんどーひゃー
(良助)あんしぇーんちゃ いち迄んわらびなー
(良助)鼻たりてー居らんてぃん
(良助)鼻だやーわらばーなー我んねー
(主)あったいめー いゃーやれー
(主)三十なてぃん 五十なてぃん
(主)鼻だやーてー フン!

主や頑固主小 子上ったむん
ゴーグチヒャーグチ するうちなかいん
打ちゅる鍬ヒーラー 汗はい水はい
打っちゃいたたちゃい うみはまらんでー
アネ! 良助 主どーひゃー

親るやっさい にじーるすんどー
ゲーんすなよーやー

(セリフ)(良助)やな頑固主小や
(良助)いかなしとぅん曲らんどぅあくとぅや!
(良助)家ぬ金どぅんやれー
(良助)たっぴらかしどぅんしーねー曲ゆんてー
(良助)やぐとぅんでち
(良助)どぅーぬ親たっぴらかする訳にん
(良助)いかんあい まーがらんち安売し
(良助)ちゅーがやーなー

ウマ馬喰 マチャーウンチュー
又すくちなむん
ガージュー馬小 うち売てぃ
若馬買いがどー
ぬーが馬小 うすてぃんすびちん
動ちんさんある
アネ! 主よー 歩っかんしが
年やとぅいるむのー
あらんさやー馬小

(セリフ)(主)主がゴー 口するいぇーだー
(主)かしまさーあてぃん あびらちょーてぃ
(主)とぅらせー良助
(良助)主よー今からーくぬ一本松とーゐぬむん
(良助)主やシミ縄かきてぃ まちとーちゅさなー
(主)あんしとぅらしぇー!

年小とぅったる一本松 物知りむん
金あちさるうちうてぃ
打てぃわるたむちどー
主がぬらいし あんまーが語ゆし
親まさいん子ぬ
アネ! 良助なー 一ちばい
ん孫んみしりよーや
主がしかすんどー