いちむし小ぬユンタク／喜納昌吉&チャンプルーズ 歌詞

歌：喜納昌吉&チャンプルーズ

作詞：喜納昌吉

作曲：喜納昌吉

隣いぬ 鶏小が コケコッコ
うりが ゆんたく コケコッコ
人ほど バカな者うらん
うとるし者や うらんでぃ
鶏ぬ位んち 笑ゆしが
いちむし小んち 笑ゆしが
人や人ん人なさん 人や人食てぃ 物かむん
我達鶏から ながみゆる 人ほどバカな 者うらん

隣いぬ 犬小が あねワンワン
ぬんちあんすか あぶゆがひ
う国ぬ 大将が 来びたくと
巡査や するて 番しいが
盗るね 出じてん かちみらん
強盗ね 出じてん からみらん
脳天脳天 くふあちゅぶる
人や人びと むるうなじ
巡査や 仕事や けー忘りて
やくとる替てぃ あねワンワン

山ぬ ガラサが 又カァーカァー
ごう口ひゃー口 耳がしむん
うりがごう口 聞ちーんでぃ
人ほど 欲な者うらん
えーかん 銭しどう作ゆんで
どうしん 銭しど作ゆんで
銭ぬん 銭しど作ゆんで
なるふど 銭や いいむんで
銭せー 世の中ままなゆん やしが心や 変わらない

平安座ぬ ガニ小ぬ ひるましむん
ハチマキ くんち くんばとうん
うりが話 聞ちんで
人ほど知らん 者うらん
しちたん油ぬ けー流りてぃ
しちたん油ぬ 海なゃい
喰むる物ん 喰まらんなてぃ
我達ガニ小や 暮らさらん
しいてんいすじぬ やーくなてぃ
しいてんいすじぬる わっさんてぇ

天井ぬ エンチューが あねチュッチュッ
うりが ユンタク うむしるむん
隣ぬ チョク彦 じんぶんむち
頭 あまで はてちりやー
人ぬ ゆし言 むる聞かん
どーがる むのー 知っちょーんち
人や人なち 人なさん
足し くんびて どきなすん
うりやさ 昔ぬ い言葉せ
学問知っち 道理知らん